1. ჭამეთ მშვიდ და წყნარ გარემოში.
ჭამის დროს თქვენ არ უნდა მუშაობდეთ, კითხულობდეთ, უყურებდეთ ტელევიზორს ან იჯდეთ კომპიუტერთან.
თუ ჭამისას თქვენი ყურადღება იქნება მიმართული საკვებზე, მაშინ საჭმლის მონელება გაუმჯობესდება. გახსოვდეთ, რომ თქვენს ყურადღებაზე ბევრია დამოკიდებული. თუ ჭამთ მშვიდი და გაწონასწორებული ყურადღებით, მაშინ მომნელებელი „ცეცხლი" თანაბარი და მშვიდია. თუკი თქვენი ყურაღება გადართულია სხვა რამეზე მაშინ საჭმლის მონელება ცუდად მიმდინარეობს.
2. მიიღეთ საკვები ერთიდაიგივე დროს
თუ თქვენ ყოველდღე იკვებებით ერთსადაიმავე დროს, მაშინ თქვენი საჭმლის მომნელებელი სისტემა ეჩვევა მუშაობას ასეთ რეჟიმში და საკვებს ავტომატურად და საგულდაგულოდ ამუშავებს. არეული კვების განრიგი არასასურველად მოქმედებს ფსიქოფიზიკურ სისტემაზე რაც ხელს უშლის საჭმლის მონელებას.
3. ყოველთვის ჭამეთ დამჯდარმა.
რაც არ უნდა მსუბქი იყოს კვება მაინც მაგიდას უნდა მიუჯდეთ და არ უნდა მიირთვათ ფეხზე დგომისას. ეს მოგეხმარებათ ყურადღების კვებაზე გადატანაში და შესაბამისად კარგად მენელებაში.
4. არ მიიღოდ საკვები ცუდი ემოციური განწყობით
როდესაც ჭამთ შფოთვის ან სიბრაზის შემთხვევაში თქვენი ყურადღება გაფანტულია. ეს კი ასუსტებს საჭმლის მონელების პროცესს. ეს ასუსტებს საჭმლის მომნელებელ „ცეცხლს" და შედეგად გროვდება ამა (სანსკრიტულ ენაზე ამა ნიშნავს გადაუმუშავენბელი საკვების ნარჩენებს, რაც შემდგომ ტოქსინებში და შლაკებში გარდაიქმნება). ასეთ შემთხვევაში უმჯობესია მოიცადოთ რამოდენიმე წუთი სანამ არ იგრძნობთ, რომ დამშვიდდით და მხოლოდ ამის შემდეგ შეუდექით კვების პროცესს. გარდა ამისა კვების დროს უნდა მოერიდოთ კამათს და უსიამოვნო საუბარს, რამაც შეიძლება დაძაბულობა და გაღიზიანება გამოიწვიოს.
5. ჭამეთ ზუსტად დანაყრების შეგრძნებამდე.
მიღებული საჭმლის რაოდენობა მნიშვნელოვანია მონელებისთვის. აიურვედა გვასწავლის: უნდა ვჭამოთ იმდენი, რომ ჭამის შემდეგ კიდევ შეგვეძლოს საკვების მიღება, ანუ უნდა შეივსოს კუჭის მხოლოდ სამი მეოთხედი ნაწილი. მიღებული საკვების რაოდენობას დიდი მნიშვნელობა აქვს. ამ ნორმის გადაჭარბება ცეცხლის ჩაქრობას ჰგავს ბენზინის დასხმით. როდესაც კუჭი მაქსიმალურად არის შევსებული, მთლიანი საკვების მონელება ვერ ხერხდება, თითქოს მომნელებელ ცეცხლს აღარ რჩება ადგილი მონელებისთვის. ასე რომ უნდა დავამთავროთ კვება როგორც კი დანაყრების შეგრძნებას ვიგრძნობთ და არა სიმძიმის ან გადავსებულობის შეგრძნებას. მაშინ თქვენს საჭმლის მომნელებელ სისტემაში დარჩება ადგილი, რაც ფერმენტებს საშუალებას მისცემს უკეთესი ფუნქციონირებისთვის.
6. მოერიდეთ ცივ საკვებს და სასმელებს.
ყველანაირი ცივი საკვები და სასმელი აქრობს მომნელებელ ცეცხლს. სამწუხაროდ ბევრ ადამიანს აქვს ჩვევა ჭამის შემდეგ ცივი სასმელების დაყოლება. თქვენ შეიძლება მოგეჩვენოთ რომ ამ ჩვევის მოშლა ძნელია, მაგრამ თუ 1-2 კვირის განმავლობაში ამ წესს დაიცავთ მაშინ ორგანიზმს აღარ ექნება ამის მოთხოვნილება და თავსაც გაცილებით უკეთესად იგრძნობთ.
შენიშვნა: დიეტოლოგიაში ცივად ითვლება წყალი უკვე 20 გრადუს C-ის ქვემოთ. ამის შესახებ ვრცლად დაიდება თემა!
7. არ ისაუბროთ ჭამისას.
როდესაც ჭამთ თქვენი გრძნობები უნდა იყოს თქვენს შიგნით მიპყრობილი, რათა დატკბეთ საკვების გემოთი, ფორმით და არომატით. არ ისაუბროთ საკვების ღეჭვისას.
8. ჭამეთ დინჯად.
სწრაფი ჭამა ხელს უშლის მონელების პროცესს, ამიტომ არ იჩქაროთ და ნელა მიირთვით. სიჩქარეში ჭამა მავნებელია თქვენი ჯანმრთელობისთვის. თქვენ შეიძლება იფიქროთ, რომ სწრაფი ჭამით დროის ეკონომიას გააკეთებთ, მაგრამ არასწორი კვებით გამოწვეული დაღლილობის შეგრძნება გაცილებით მეტ დროს დაგაკარგვინებთ. ამიტომ ყურადღებით მოეკიდეთ კვების საკითხს.
9. არ ჭამოთ არაფერი მანამ სანამ თქვენი წინა საკვები არ იქნება მონელებული.
თუ თქვენ მიიღებთ საკვებს იმ დროს როდესაც წინა არ არის მონელებული, მაშინ ხელს შეუწყობთ ნარჩენების წარმოშობას.
იმისათვის რომ მოხდეს საკვების კარგად მონელება საჭიროა 3-6 საათი დრო.
10. ჭამის შემდეგ იჯექით მშვიდად რამოდენიმე წუთი.
ამ შემთხვევაში საჭმლის მონელების პროცესი დაიწყება ადვილად და თავისუფლად.
| 
